Transcription
1
Monsieur, jay receu la lettre quil vous a pleu escrire dattée à Moyrenc du XIIe
2
d’aoust et pour responce à icelle, je vous diray, monsieur, que jay eu bien grand
3
regret que le chemin de monsieur le cardinal Allexandrin ne sest adressé par le
4quartier d’A[p]t pour le désir que j’avoys de [barré : vo ] faire la reverence à mesdames
5
de Casenove et de Gordes, mais il vousit prendre le chemin de Pertuys,
6
et ce par lavis de monsieur de Sct-Gouar que sa majesté luy despecha pour le
7
recevoir à lentrée de son estat et laccompaigner iusques à lissue d’icelluy ;
8
et à mon retour, iestoys deliberé de satisfaire à ce devoir là, mais monsieur
9
de Carpentras et mon cousin de Saincte-Jalle me forcèrent de passer par
10
chez eulx, m’allegantz que je voyois plus souvent madame de Gordes que je ne faisois eulx,
11que si je ne la voyois là, je la pourroys bien voyr [barré : la ] à Laval et en voz
12
aultres maisons, de manière que les remonstrances que je leur peux faire
13
n’eurent point de lyeu. Toutesfoys, monsieur, sil eust agy de votre
14
service, j’eusse bien delaissé touttes ces remonstrances là pour y satisfaire ;
15
ce pendant, j’ay eu ce bon heur davoir veu et conneu monsieur d’At votre
16
frère, que j’estime estre ung des plus grandz contentementz que jaye receu
17
en ce voyage, pour les vertuz, bonté et preudhomie que Dieu a mises en
18
luy et pour voyr notre ordre honnoré dune telle personne. Que pleust
19
à Dieu que touttes les nominations qui se font pour le jourdhuy à semblables
20
charges que la sienne fussent aussi de personnes de semblable calibre et
21
suffisance. Au demeurant, monsieur, je vous veux bien avertir comme
22
monsieur le cardinal Allexandrin m’a faict entendre le grand contentement
23
que sa Saincteté à eu de tous voz depportementz, mesmement au dernier
24
faict d’Orenge, duquoy, il vous remarque pour bon serviteur de Dieu
25
et de votre roy ; et je ne doubte point (au langage que je luy en ay
26
[v°] ouy tenir) que sa Sainteté avoit moyen de vous faire paroistre la bonne volunté
27
quil vous porte, qu’il ne le fit et aussi mondit seigneur le cardinal Allexandrin
28
pour les honnestes offres que vous luy fites de laccompagner par tout votre
29
gouvernement sil en avoit besoin, chose quil a bien remarquée,
30
mesmement quil n’a trouvé telle courtoisie ailleurs où il a passé, hormis
31
de monsieur de Joyeuse qui se laissa persuader par monsieur le cardinal
32
d’Armaignac et sieur de Sct-Gouar et moy que sa majesté auroit très agreable
33
quil l’accompagnast iusques à Montpellier, ce quil a faict, non
34
que je ne soys asseuré quil n’eut ceste mesme bonne volunté, mais
35
j’entens qu’il y en y avoit qui voulloient mettre en consideration que ouis
36
que [mots barrés] monsieur le conte de Tande n’avoit faict ce compliment pour estre occupé ailleurs pour
37
les affaires de sa majesté, qu’aussi ne se devoit il mettre en plus grand
38
paine. Or parmy ces traictez, il passa quelques jours et luy qui est
39
assez prudent et accord commença d’en avoir quelque presumption
40
et dentrer en doubte de passer plus oultre, ou bien de passer à la
41
desrobée en poste ; mesmes causant le mauvais nom quà la ville
42
de Nismes, ou monsieur de Joyeuse mesme ne l’a voullu passer
43
à cause du peu dobeissance que jentens que rend ce peuple là aux
44
edictz de sa majesté et quil eut doubte que là il n’eust receu quelque
45
indignité, dont sa majesté eu peu estre desplaisant. Or, monsieur,
46
voyla sommairement tout le discours de notre petit voyage. Je
47l’accompagnay [barré : iusq ] avec monsieur le cardinal d’Armaignac iusques
48
à Beaucayre. Maintenant je suis de retour en ce lyeu, Dieu mercy,
49
avec la mesme bonne volunté que jay tousiours eue de vous faire
50
très humble service. Jay entendu, monsieur, que vous estes
51
[f°38] en volunté de venir ung de ces jours à Rousset pour faire baptiser
52
ung des enfans de monsieur de Rousset. Je cuide bien, monsieur
53
puisque vous serez si près d’Ambrun, que si aumoins vous ne prenez la
54
paine de venir iusque là pour l’amour de moy, que ce sera pour venir
55
gaigner les pardons à Notre Dame ; et parce qu’on ne les peult
56
gaigner sans faire penitence, si vous ne la faictes par les
57
chemins, vous la ferez sur le lyeu en une maison qui est
58
votre et là où vous avez toutte puissance et sur tout ce qui
59
en deppend. Je vous supplie, monsieur, de me tenir tousiours
60
en votre bonne grace, à laquelle je me recommande très humblement
61
et prie Notre Seigneur quil vous veult donner
62
monsieur, en très bonne santé longue et très heureuse vie. D’Ambrun, le
63
XXVIIIe d’aoust 1571
64
Votre très humble allié et serviteur
65
G. davanson A.dambrun.